Библиотека

Метки:
Facebook  ВКонтакте
 

Церковно-историческое и статистическое описание церквей Сольвычегодского уезда Вологодской епархии. 1854 год.

 
<<     Содержание     >>
 
5. Церковь Одигитрии Божией Матери, что в Христофоровой пустыне
Описание сие заимствовано из Истории Росс. Иерархии и из древней рукописной летописи, хранящейся в подлиннике при церкви.
Богородская, что в Христофоровой пустыне церковь, отстоит от города Сольвычегодска к юго-востоку в 27-ми верстах. Она расположена на горном берегу речки Малой Коряжемки, и окружена лесами.
Основатель оной пустыни был преподобный Христофор, ученик и постриженец преподобного Логгина, основателя и настоятеля Николаево-Коряжемского монастыря, в котором и был он в числе братства. По кончине учителя своего (преподобный Логгин скончался в 1540-м году февраля 10 дня) проживши еще 10-ть лет в монастыре, преподобный Христофор наконец решился искать себе пустынного уединения и нашел вышепомянутое место в верху речки Малой Коряжемки, поселился сперва там один. Потом начали сходиться к нему послужники, и принимать от него пострижение, а наконец около (7063) 1555-го года составилась в его местопребывании под его начальством обитель, и была построена деревянная церковь во имя Пресвятой Богородицы Одигитрии иконы, которую преподобный Христофор первоначально принес на сие место с собой, и от коей притом происходили многие исцеления молящимся. Обитель сия, до того времени никому неизвестная, вскоре прославилась примерным житием трудников, и притом открывшимся близ оной за речкой Коряжемкой на восточной стороне от церкви в 150-ти саженях целебным источником, от воды которого и царица Анастасия, супруга царя Иоанна Васильевича, получила облегчение от болезни. Сие обратило особливое внимание и усердие самого царя, который наградил пришедшего на тот случай в Москву Христофора щедрым подарком на строение.
По прибытию в свою пустынь и по окончании всего обительного здания, преподобный Христофор в (7080) 1572-м году оставил братию свою, тайно отошел, и где скрылся, или каким образом скончался, осталось никому неизвестно. После его вскоре распустилась и опустела сия обитель, и как икона Пресвятой Богородицы Одигитрия, так и всё церковное имущество перенесено было в Николаево-Коряжемский монастырь, где икона находилась 12-ть лет в Николаевской церкви. А потом около (7092) 1584-го года Коряжемским игуменом Иовом с братией икона сия принесена была на прежнее ее местопребывание, и на том же пустынном месте построена ими новая деревянная церковь во имя сей иконы, которая в сей церкви и была поставлена.
Вблизи сей церкви вскоре, именно в 1585-м году, иждивением Николаево-Коряжемского монастыря построена и в том же году освящена Варлаамом, епископом Вологодским и Велико-Пермским, другая деревянная во имя Введения Божией Матери церковь, которая будучи перестроена 1823 года, существует и поныне.
Вместо деревянной во имя Одигитрии Божией Матери Смоленской основана в 1763-м году настоящая каменная одноэтажная теплая, в то же именование, церковь, которая в 1770-м году игуменом Николаево-Коряжемского монастыря Варлаамом Подъяковым и освящена.
Пустынь сия была прежде приписана к Коряжемскому монастырю и состояла под управлением одного настоятеля. А со времени учреждения штатов 1764-го года обращена в приходскую церковь, а причта положено быть при ней одному клиру без диакона.
В теплой церкви иконостав в двух ставах. Из икон достойны внимания: 1-я, пятичный стоящий по северную царских врат сторону образ Пресвятой Богородицы Смоленской Одигитрии с Предвечным Младенцем в киоте за стеклом с чудесами. На нем венцы с короной золоченые; свет, риза и поля серебряные кованые, по ризе вынизано хорошим жемчугом, камнями и разными ставками, а вокруг обложен сребренным золоченым гайтаном. 2-я, образ Одигитрии Божией Матери с Предвечным Младенцем. На нем возглавие и ожерелье жемчужное, венцы сребренные золоченые чеканные, риза свет и поле сребряные кованые белые, весом 12-ть фунтов 59 золотников. У образа сего внизу на ризе находится надпись: «Украшен в Устюге Великом Боголюбческим подаянием в 1795-м году июля 6-го дня».
В холодной церкви во имя Введения Пресвятой Богородицы, на задней стороне дски образа Коронования Божией Матери, стоящего за левым клиросом, положена надпись: «1702-го года июня 13-го дня. Сей образ строил Богородице в пустыню посадский человек Иван Андреев Белых. Писал многогрешный Иван Кондаков.
На южной стороне сих церквей отдельно стоит деревянная осмигранная колокольня, на которой находятся, между прочими, два небольших колокола, литых 1640-го года.
Над целебным источником издавна устроена деревянная часовня, в которую, при многочисленном стечении народа, для поклонения чудотворной иконе бывает крестный ход для отправления с водосвятием три раза в год: в 9-ю по Пасце пятницу, в 28-е июля в день праздника Одигитрии Божией Матери и в день Рождества Пресвятой Богородицы 8-е сентября.
Чудотворный образ Одигитрия Божией Матери, по указным повелениям, каждогодно к 9-му воскресению по Пасце носится в город Сольвычегодск, где, по усердию граждан, и находится целую седмицу (как об этом сказано в статье о крестных хождениях).
 
Сказание о зачатии Пустынской обители еже есть в верху речки Малой Коряжемки и о начальнике оной старце Христофоре, и о чудесах от иконы Пресвятой Богородицы честного и славного Ее Одигитрия и о благодатной воде.
 
В последние нынешние времена по 7063-м лете содеяшася преславные чудеса в державу Российского царствования самодержавного царя, благочестивейшего государя и великого князя Иоанна Васильевича всея России. По некоем времени Казанского взятия благоверному и христолюбивому и благочестивому государю православному царю Иоанну Васильевичу, помыслившу во свое царское богомолие подвигу и труды показати. Богом подвизаем и Ангелом укрепляем, к путнему шествию поощряем к святым чудотворным иконам и к преподобным отцам, в честных обителях молитися о мире, о тишине, о устроении земстем и о всех православных христианах, и со своей благоверной царицей и великой княгиней Анастасией о спасении и о многолетном своем здравии. И вдася государь путному шествию в Радонежскую область во обитель Живоначальной Троицы к преподобному Сергию Чудотворцу; оттуда в Белоезерские места во обитель преподобного и богоностного отца нашего и великого чудотворца Кирилла, во обителях молебные совершаше, и от царской своей ризницы удоволив, возвращается оттуда со своей супругой и со своим царским сигклитом на свой царский престол во град Москву.
По мале времени царица Анастасия впадаше в скорбь великую ово чадородия ради своего, ово болезни ради благородных своих чад, а и по лишении ради по преставлении к Богу отшедших прежних своих чад. И егда в скорби бываше, и с благоверным своим и хрстолюбивым царем Иоанном Васильевичем в своих беспрестанных молитвах к Богу Спасу нашему Иисусу Христу и Пречистой Его Матери, Владычице нашей Богородице и Приснодеве Марии, имуще веру несомненну и любовь нелицемерну по многим обителям и пустыням к Божиим церквам велику милостыню творяше непрестанно. И елико она Богу моляшеся, толико и Бог своею милостию на них призираше и чудесы своими благоверного царя и с царицей удивляше и прославляше ово от чудотворных икон и своего Божественного пособия, ово же от Пречистой Своей Матери, а ино от мощей Своих угодников и чудотворцев и от священных Своих вод телесем здравие и душам спасение подающе. И се ныне воистину приспе время сказанию о зачатии обители сея Пречистой Богородицы и о начальнике Христофоре, потом же и о чудесех от чудотворной иконы Пречистой Богородицы и о благодатной воде.
Сей убо старец Христофор, по преставлении начальника Логгина, минувшим десятим летом или вяще прииде неведомо коего града, или какова родителя сын, и вселися в пустыню, и ту трудися о Господе, и имея житие пустынное и безмолвное, моляся Богу и Пречистой Богородице непрестанно. Пищу себе уготовляше своими руками, труды к трудом прилагаше и от того питашеся, паче же пребывая в посте и молитве. Божиим промыслом прочии человецы прихождаху к нему в пустыню и постригахуся, братству совокупление бысть и труды к трудом прилагаху место разчищаху. Келлии поставляху и обитель во имя Пречистой Богородицы поставляху. И сей старец Христофор начальник тому месту бысть. Бог восхоте сие пустынное место прославити. Яви два источника, источающа неоскудно на здравие телесем. Наипаче на спасение душам человеческим. Сей прежде помянутый старец Христофор имел у себя в пустыни сокровище благое чудотворную икону Пресвятой Богородицы честного и славного Ее Одигитрия. Приложи бо к сей чудотворной иконе Заступнице и Помощнице рода христианского ино чудо преславно. В той же пустыне, недалеко от церкви Пресвятой Богородицы течаше вода из камене. Камень же бе, аки жернов, не велик, нравом и благоуханием аки фимиам. На камени же том, откудаже вода исхождаше, аки чаша устроена, и черплющая вода от того камене николиже умаляшеся даже до сего дне с верой приходящим. И всяк иже с верой причащается сия благодатныя воды, телесем здравие и душам спасение получает. И паки восхоте Бог прославити чудотворную икону Пречистой Богородицы честного Ее Одигитрия и ту благодатную воду, иже из камене исхождаше. Бысть в некое время царица Анастасия внезапу в скорби велицей болезни одержима бяше и много ей с царем Иоанном Васильевичем к Господу Богу и Пречистой Богородице молящимся, дабы ей царице здравие получить. Многомилостивый Господь Бог наш молитвами Пречистой Своей Матери услыша молитву их и дасть вскоре благодать молящим Его. И зде же Матерь Свою Пречистую Богородицу, паче же реку, чудотворную Ее икону честного и славного Одигитрия прославляет.
Благоверной царице Анастасии в царском своем дому от скорби велицей почивающей в тонцем сне, и виде во сне жену преславну сущу, и преукрашену в велицей славе, глаголющую ей тако: «Царице Анастасие! Аще Мя призываеши на помощь к Богу, к Господу Иисусу Сыну Моему и хощеши от сея скорби спасение получити и здрава быти, повели вскоре послать в пустыню Пресвятой Богородицы, идеже стоит чудотворный образ честного и славного Ея Одигитрия. Словет же начала ради та пустыня Христофорова. Место бо то пустынное не славно, и людям мало сведуще. Но токмо не ослужайся. Вскоре повели идти тамо, да принесут оттуду благодатной Моей воды, яже преславно от камене истекает, да аще получиши сию воду, велие спасение приимеши и здрава будеши". Царица же возбудися от сна, поведа благоверному царю Иоанну Васильевичу таково страшное видение и чудных глагол изречение о таковой благодати. Благоверный же и христолюбивый Царь, слышав от своей царицы таково страшно и преславно поведание, но паче всю свою печаль возложи на Господа и на Пречистую Его Богородицу, вскоре избирает от своих царских чиновников и посылает в пустыню к Пречистой Богородице, да тамо совершив дальнее путешествие, молебное пение к Пречистой Богородице совершат и благодатные воды освятят и в его царский дом принесут". О, великое чудо! Он начальник Христофор, или Божиим некиим откровением, или своим откровением готовяхся идти к царствующему граду Москве, к благоверному царю и великому князю Иоанну Васильевичу и к царице Анастасии с честным и животворящим крестом Господним и со святою водою, ее же желает царица Анастасия. И уже начальник Христофор к путному шествию касается, и приближающуся ему к граду Москве, от благоверного же царя Иоанна Васильевича и от царицы посланным, но еще не отшедшим в пустыню, и паки царица Анастасия второе преславное видение виде во сне, и слышаше благая к ней сице глаголющая: "Царице Анастасие! Что спасению твоему медлиши! Пошли скоро в сретение честного образа и животворящего Креста, и освященной Моей благодатной воды, еже желаеши от Моей пустыни, уже бо недалече от града Москвы старец идет с честным Крестом и со святой водой.» Благоверная царица возбнув от сна, сказа благоверному царю вся, яже видеша и слышаша.
По исповедании же том царь и царица послаша от престоящих им во сретение животворящего Креста Господня и благодатной воды из пустыни Пресвятой Богородицы. Посланным же изшедшим во сретение честного Креста и святой воды, недалече от града отидоша узреша противу себе идуща к граду Москве некоего старца, имуща с собой Крест Господень и святую воду, и вопросиша посланные от царя, рекше ко старцу: откуду еси ты, честный отче, и коей обители, и камо грядеши? Он же все им поведа. Аз есмь грешный Христофор, иду с Честным и Животворящим Крестом и со святой водой к благоверному и христолюбивому царю Иоанну Васильевичу и к царице Анастасии посетити их со святой водой от Пречистой Богородицы из пустыни. Слышав же посланные, яко той есть его же искаше и вскоре обретоша, с радостью его взяша с собою и ведоша его в дом царский, и поведаша царю и царице. Видев же царь и царица сбывшееся преславное видение, взяша старца Христофора и, приняв с великой честью, начаша молебная совершати Господу Богу и Спасу нашему Иисусу Христу и Пречистой Его Богоматери. И моляшеся о мире, тишине, о изобилии плодов земных и о своем душевном спасения и о телесном здравии. По отпуске молебного пения благоверный царь Иоанн Васильевич крестным знамением, Животворящим Крестом Господним и святой водой, юже принес Христофор из пустыни, сперва сам государь окропися, потом и царицу Анастасию повеле также Крестом благословити и святой водой окропити; и по сем тоя св. воды царица во освящение души и во здравие телеси испивши, и в той час от обдержащей скорби и болезни бысть здрава и никакоже ощути в себе никоей скорби. И бысть царь и царица в радости и веселии велицем, и начальника пустыни Христофора пожаловали в дом Пречистой Богородицы милостыню довольну и отпусти его в пустыню с миром. Сей начальник прииде в обитель Пречистой Богородицы и поведа братии сбывшееся от св. воды чудо и о царской милостыни. Братия же слышаша, прославиша Бога и Пречистую Его Богородицу, и о царской милости возрадовашася радостью великой, и той источник воды благодатной и камень, из него же истекает вода, храняше и соблюдаше честно и благоговейно. Видеша бо, яко Бог прослави сие пустынное место чудотворной иконой Одигитрии Пресвятой Богородицы и истечением от камене воды на спасение душам и телесем на здравие. Начальник же Христофор печашеся, како бы обитель сия наилучше устроити. По сем же времени Богу Единому Владыце сведущу, како сей начальник Христофор от пустынного места и от обители отлучился, никому не ведуще и неслышимо. Или сам некие ради потребы отлучися, либо где отъиде и скончася или зверем на пути похищен и поражен, или от злых человек имения ради, чая нечто обрести, убиен бысть, или иначе како отлучися от тела, Бог весть. Писано бо есть во Свят. Евангелии: поражу пастыря и разыдутся овцы. Тако и зде. Егда не бысть начальника Христофора в той пустыни, братии еще не много бяше ту собрано, но и тии по мале разыдошася, и не бысть кому обитель Пресвятой Богородицы строити.
Нецыи же от последних ту живущих братий приидоша в честную обитель великого чудотворца Николая, иже именуется Коряжемский монастырь, и поведаше игумену и братии о нестроении своем в пустыни, и что им невозможно пребывати в пустыни нестроения ради тоя обители и хлебного ради глада, то же сие бысть пусто и непашенно, и клирицы разыдошася, дабы Коряжемского монастыря игумен с братией взяли икону Пречистой Богородицы честного Ее Одигитрия, колокола и прочее церковное имущество. Игумен же с братией по прошению тех старцов со святой иконой колокола и прочее церковное имение взяша к себе в монастырь и поставиша икону в церковь великого чудотворца Николая с молебным пением.
И паки воспомянем о чудотворной той иконе Пресвятой Богородицы, да не в забвении будут чудеса ее. И сие послушавше, аще икону Богородицы, колокола и прочее церковное имущество в Коряжемский монастырь взяша, место же то пустынное оставиша без пения пусто, но Бог и Пресвятая Богородица не восхоте тому месту пустынному [месту пустыни — ред.] пусту быти. Слышано бо бысть от неких человек егда кто хождаше в лесу птиц или зверя ради ловления, или неких иных ради потреб, и егда мимо того пустынного места прохождаше и слышавше на том месте звон велий не во едино время, людям же ту не живущим и колокол не бысть, но пусто бысть место то. О великое и преславное чудо! Пресвятая Богородица, предвозвещающи чудесы своима хотящи быти своей чудотворной иконы на прежнем своем домовом месте, наипаче славословием и церковным украшением славитися, якоже и бысть. И стояла та икона в Коряжемском монастыре в церкви великого чудотворца Николая 12-ть лет. Место же то пустынное бысть в сие время пусто и без пения; церкви разрушися, и вода из камени текущая в та лета бысть неохранена. Мнози же простая чадь, невегласи [суеверные — ред.] приходящи к сему благодатному источнику, неистови безчинно, аки к простому озеру или к болотной луже, и емлюще воду из камени не искусно, и от камене малые части ломаше небрежением, аще кто и емлюще тогда ту благодатную воду, а не храняше блачестиво, и ничто же от нее пользующася.
В лета по 7030-м лете, при игумене Иове с братией, бывшу того Коряжемского монастыря некоему монаху на службе монастырской, на овине хлеб сушившу, и в нощи от труда восхотевшу мало почити, и спящу ему в тонце сне виде некое чудо, а страшно изречение бысть ему сицево: Черноризче! Иди в монастырь скоро, и поведай игумену с братией, дабы икону Пречистой Богородицы честного Ее Одигитрия с пением честно отнесли в свое пустынное место, идеже сперва Пресвятая Богородица изволи своей иконе быти, и благодать и милость свою явити во спасение душам человеческого рода. Зде же в монастыре не довлеет той чудотворной иконе Богородицыне пребывати, а месту ее пусту быти.
Старец же о сем мало верив, игумену и братии не поведа. И паки во вторую нощь такожде бысть, и старец той и тому не внимаше, и мняше просту видению быти. Пречистая же Богородица никако же восхоте ту во обители Николая Чудотворца своей иконе пребывати, но во свои пустыни ей путь готовяше, да большее чудо сотворит, а старца за его маловерие устрашит и на истинный путь наставит.
Якоже в преждебывшие времена в граде Казани бысть явление от иконы Богородицы некоей девице, третицей глаголюще тако: аще не поведаеши о иконе моей во граде сем князем и владыкам и всему осященному чину, дабы взяли икону Богородицы от земленых недр, аще о сем утаиши и вскоре не поведаеши, имаши быти возжена огнем и будеши мертва; девица же сказа своим родителям, зане еще той девице бывшей в то время детинцем; родители же ее поведали властям и всему освященному собору, и содеяся чуду преславно. Такожде и сему черноризцу бысть явление третицею сице: аще, черноризче, не поведаеши игумену и братии о Богородицыне иконе прежде реченное тебе и аще о сем умолчиши, и будеши за сие ослушание одержим лютым недугом и расслаблением руками и ногами. Старец же слышав сие чудо и страшное видение, и бысть одержим страхом, прииде скоро в монастырь и поведа гумену и братии еже виде и еже слыша. Слышав же игумен от брата сказание чудеси, возбудився от всяких помысл, аки от сна и ничтоже размышляя, но вскоре — того же дне повеле ту икону Богородицы нести в пустыню честно. Сам же игумен облекийся в священные ризы, поиме с собой клирицы и братию и идоша с иконой с молебным пением в пустыню и дошедше до места поставиша ту икону Богородицы в просте храмине, а сами игумен и братия хотя путного шествия опочинути. В то время бысть чудо преславно. Почивающу игумену и братии, и внезапу быша вси расслабленны всеми уды, и не могущу друг другу ничтоже успети, дабы ничто от многа малу пользу приобрел. И в расслаблении лежаше игумен и братия, ничто же недоумевая, каково чудо бысть. И по мале часе откры Бог некоему брату с ними же пребывающу, виде во сне некаково видение, поведа игумену и братии тако: аще игумен и братия и прочии клирицы от сна востанут и начнут лес сетчи на здание церкви Пречистой Богородицы честного и славного Ее Одигитрия, на всякого человека по два бревна, и начнут на сем месте созидать церковь нову, тотчас вси будут здравы. Игумен и братия вси таковое дело с радостью обещахуся творити, и в той час бывше вси здрави, и поидоша в лес, и начаша лес сетчи, и вскоре изготовиша от игумена даже до последнего всяк человек по два бревна на всякое церковное строение, и помыслиша они церковь заложити на новом месте. Есть бо место ино высоко от старого церковного места невдалее за речкой.
И так икону Пречистой Богородицы на новое место поставят, нощию, нощию же та икона обретеся на первом начальном месте церковном, и таково дивное чудо бысть третицею. Игумен и братия видевше свое дело противно Божией помощи и Пречистой Богородицы, и начаша здати церковь на прежнем месте идеже сама икона изволи стояти, якоже восхоте, тако и сотвори. Но по мнозе же времени ту церковь совершиша и освятиша во имя Пречистой Владычицы нашей Богородицы и Приснодевы Марии честного и славного Ее Одигитрия чудотворной иконы. Церковь же та бе переводом невелика, тако бысть пустынного ради первого строения, и устроиша церковь, и внесоша икону Богородицы и поставиша на место, и певше молебные со псалмы и песньми с радостью и с веселием духовным славяще и благодаряще Господа Бога и Пречистую Его Богородицу и Приснодеву Марию.
В нынешние же времена Божией помощью, молитвами и заступлением Пречистой Богородицы при игумене Александре с братией в пустыне у Пречистой Богородицы церковное строение иконами, книгами, колоколами и всяким церковным украшением. И не токмо сие, но и над помянутой благодатной водой часовня устроена и в часовне иконами Владычних и Богородичных праздников, освящением воды и всяким украшением в церкви и часовне наполняшеся. Принадлежит же та обитель Пречистой Богородицы честного Ее Одигитрия, еже именуется Христофорова, к прежней обители великого чудотворца Николая Коряжемскому монастырю, со всякой церковной казной и всяким монастырским строением и прежним царским жалованием. Один игумен обеим обителям бысть наставник, и братия во едино жиша, и пища, и одежда всем во обеих обителях живущим из единой казны дается. Богу же прославляющу то пустынное место распростирашеся, и слава о сей иконе во все отрасли прохождаше, и церква вново лучшим переводом утверждашеся пением святым беспрестанно веселяшеся. Людие же слышавше таково преславное чудо о иконе Пречистой Богородицы, из дальних стран, градов и весей в ту пустыню прихождаху и с молебным пением и с верой припадающе к чудотворной иконе, со слезами молящеся о телесном здравии и душевном спасении, и оттуда из церкви в часовню отходяще, так же с верой и благоговением пиюще и умывающеся св. водой, от всяких недуг душевных и телесных здравие приемлюще, отходят во свои страны.
И мы с радостью почитающе чудотворную икону Пречистой Богородицы честного Ее Одигитрия славим Бога, давшего нам таковую благодать.

Источник:

ГАВО. Ф 496. Оп. 1. Д. 12596. Л. л. 9 об.-19 об.
 
<<     Содержание     >>